Three accused arrested with 3 grams of heroin

ਤਿੰਨ ਗ੍ਰਾਮ ਹੈਰੋਇਨ ਸਮੇਤ ਕੀਤਾ ਕਾਬੂ

ਕੁਲਜੀਤ ਸਿੰਘ
ਨਬਜ਼-ਏ-ਪੰਜਾਬ ਬਿਊਰੋ, ਜੰਡਿਆਲਾ ਗੁਰੂ, 17 ਮਈ:
ਪੁਲਸ ਚੌਂਕੀ ਗਹਿਰੀ ਮੰਡੀ ਦੇ ਇੰਚਾਰਜ ਐਸ.ਆਈ ਹਰਕੀਰਤ ਸਿੰਘ ਦੀ ਰਹਿਨੁਮਾਈ ‘ਚ ਪੁਲਸ ਪਾਰਟੀ ਨੇ ਦਸ਼ਮੇਸ਼ ਨਗਰ ਜਾਂਦੇ ਹੋਏ ਸ਼ੱਕ ਦੇ ਆਧਾਰ ਤੇ ਇਕ ਵਿਅਕਤੀ ਨੂੰ ਤਿੰਨ ਗ੍ਰਾਮ ਹੈਰੋਇਨ ਸਮੇਤ ਗ੍ਰਿਫਤਾਰ ਕੀਤਾ ਹੈ। ਜਾਣਕਾਰੀ ਦਿੰਦੇ ਹੋਏ ਪੁਲਸ ਚੌਂਕੀ ਗਹਿਰੀ ਮੰਡੀ ਦੇ ਮੁਨਸ਼ੀ ਹਰਜਿੰਦਰ ਸਿੰਘ ਨੇ ਦੱਸਿਆ ਕਿ ਗਹਿਰੀ ਮੰਡੀ ਦੇ ਚੌਂਕੀ ਇੰਚਾਰਜ਼ ਹਰਕੀਰਤ ਸਿੰਘ ਦੀ ਰਹਿਨੁਮਾਈ ‘ਚ ਪੁਲਸ ਪਾਰਟੀ ਚੌਂਕੀ ਅਧੀਨ ਆਉਂਦੇ ਨਜ਼ਦੀਕੀ ਪਿੰਡ ਦਸ਼ਮੇਸ਼ ਨਗਰ ਗਸ਼ਤ ਕਰਨ ਜਾ ਰਹੀ ਸੀ। ਰਸਤੇ ‘ਚ ਪ੍ਰਭਜੋਤ ਸਿੰਘ ਸਪੁੱਤਰ ਅਮਰੀਕ ਸਿੰਘ ਵਾਸੀ ਪਿੰਡ ਦੁਧਾਲਾ ਜਿਸ ਨੇ ਹੱਥ ‘ਚ ਹੈਰੋਇਨ ਫੜੀ ਹੋਈ ਸੀ, ਪੁਲਸ ਪਾਰਟੀ ਵੇਖ ਕੇ ਉਹ ਹੈਰੋਇਨ ਸੁੱਟਣ ਲੱਗਾ ਤਾਂ ਪੁਲਸ ਨੇ ਉਸ ਨੂੰ ਕਾਬੂ ਕਰ ਲਿਆ। ਕਾਨੂੰਨੀ ਕਾਰਵਾਈ ਕਰਨ ਮਗਰੋਂ ਪੁਲਸ ਨੇ ਫੜੇ ਗਏ ਉਕਤ ਵਿਅਕਤੀ ਨੂੰ ਅਦਾਲਤ ‘ਚ ਪੇਸ਼ ਕਰ ਦਿੱਤਾ ਹੈ।