Warm farewell given to the Tehsildar Kharar’s Reader on his retirement

ਤਹਿਸੀਲਦਾਰ ਖਰੜ ਦੇ ਰੀਡਰ ਨੂੰ ਸੇਵਾ ਮੁਕਤੀ ’ਤੇ ਦਿੱਤੀ ਨਿੱਘੀ ਵਿਦਾਇਗੀ

ਨਬਜ਼-ਏ-ਪੰਜਾਬ ਬਿਊਰੋ, ਖਰੜ, 30 ਅਪਰੈਲ:
ਤਹਿਸੀਲਦਾਰ ਖਰੜ ਦੇ ਰੀਡਰ ਰਾਜਿੰਦਰ ਸਿੰਘ ਨੂੰ ਸੇਵਾਮੁਕਤੀ ’ਤੇ ਤਹਿਸੀਲ ਕੰਪਲੈਕਸ ਦੇ ਸਮੂਹ ਸਟਾਫ ਮੈਂਬਰਾਂ ਵੱਲੋਂ ਵਿਦਾਇਗੀ ਪਾਰਟੀ ਦਿੱਤੀ ਗਈ। ਇਸ ਮੌਕੇ ਐਸਡੀਐਮ ਸ੍ਰੀਮਤੀ ਅਮਨਿੰਦਰ ਕੌਰ ਬਰਾੜ ਨੇ ਕਰਮਚਾਰੀ ਵੱਲੋਂ ਦਫਤਰ ਵਿੱਚ ਕੀਤੇ ਕੰਮ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਸਾਲ 1970 ਵਿੱਚ ਡਿਪਟੀ ਕਮਿਸ਼ਨਰ ਰੋਪੜ ਵਿਖੇ ਕਲਰਕ ਭਰਤੀ ਹੋ ਕੇ ਅਮਲਾ ਸ਼ਾਖਾ ਤੋਂ ਸਰਵਿਸ ਦੀ ਸ਼ੁਰੂਆਤ ਕੀਤੀ ਅਤੇ ਉਹ ਵੱਖ ਵੱਖ ਅਹੁਦਿਆਂ ’ਤੇ ਰਹੇ ਅਤੇ ਤਹਿਸੀਲ ਦਫਤਰ ਖਰੜ ਵਿਖੇ ਰਜਿਸਟਰੀ ਕਲਰਕ, ਰੀਡਰ ਦੇ ਵਜੋਂ ਕੰਮ ਕੀਤਾ।
ਇਸ ਮੌਕੇ ਤਹਿਸੀਲਦਾਰ ਗੁਰਮੰਦਰ ਸਿੰਘ, ਨਾਇਬ ਤਹਿਸੀਲਦਾਰ ਹਰਿੰਦਰਜੀਤ ਸਿੰਘ, ਡਿਪਟੀ ਕਮਿਸ਼ਨਰ ਦਫਤਰ ਵਲੋਂ ਜਸਪ੍ਰੀਤ ਸਿੰਘ ਸੁਪਰੰਡਟ, ਅਮਰਨਾਥ, ਦਵਿੰਦਰ ਸਿੰਘ, ਓਮ ਪ੍ਰਕਾਸ ਸੂਬਾ ਚੇਅਰਮੈਨ ਡੀ.ਸੀ.ਦਫਤਰ ਇੰਪਲਾਈਜ਼ ਯੂਨੀਅਨ ਪੰਜਾਬ, ਬਲਜੀਤ ਕੌਰ ਹੈਡ ਕਲਰਕ, ਅਜੈ ਕੁਮਾਰ ਰੀਡਰ, ਰਣਵਿੰਦਰ ਸਿੰਘ ਆਰ.ਸੀ, ਸੰਜੀਵ ਕੁਮਾਰ, ਮਨੋਜ਼ ਕੁਮਾਰ, ਧਰਮਿੰਦਰ ਕੁਮਾਰ, ਗੁਰਦੇਵ ਸਿੰਘ, ਗੁਰਪ੍ਰੀਤ ਸਿੰਘ, ਅਨੀਤਾ ਸਮੇਤ ਐਸ.ਡੀ.ਐਮ. ਤੇ ਤਹਿਸੀਲ ਦਫਤਰ ਖਰੜ ਦੇ ਸਮੂਹ ਕਰਮਚਾਰੀ ਹਾਜ਼ਰ ਸਨ।