Share on Facebook Share on Twitter Share on Google+ Share on Pinterest Share on Linkedin ਫੇਜ਼-5 ਵਿੱਚ ਜ਼ਮੀਨ ਧਸਣ ਕਾਰਨ ਜਲ ਸਪਲਾਈ ਦੀ ਪਾਈਪ ਟੁੱਟੀ, ਪਾਣੀ ਦੀ ਸਪਲਾਈ ਪ੍ਰਭਾਵਿਤ ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 7 ਜੂਨ: ਸਥਾਨਕ ਫੇਜ਼-5 ਦੇ ਐਚ ਈ ਕੁਆਰਟਰਾਂ ਅਤੇ ਮੰਦਰ ਦੇ ਸਾਹਮਣੇ ਬੀਤੀ ਰਾਤ ਬਰਸਾਤ ਪੈਣ ਕਾਰਨ ਮਿੱਟੀ ਦੇ ਭਾਰ ਕਾਰਨ ਪੀਣ ਵਾਲੇ ਪਾਣੀ ਦੀ ਸਪਲਾਈ ਕਰਨ ਵਾਲੀ ਪਲਾਸਟਿਕ ਦੀ ਪਾਈਪ ਜਮੀਨ ਹੇਠਾਂ ਧੱਸ ਗਈ ਅਤੇ ਫਟ ਗਈ। ਜਿਸ ਕਾਰਨ ਇਸ ਪਾਈਪ ਵਿੱਚੋੱ ਵੱਡੀ ਮਾਤਰਾ ਵਿੱਚ ਪਾਣੀ ਨਿਕਲ ਕੇ ਆਲੇ ਦੁਆਲੇ ਫੈਲ ਗਿਆ। ਇਲਾਕਾ ਵਾਸੀਆਂ ਨੇ ਇਸ ਦੀ ਸੂਚਨਾ ਭਾਜਪਾ ਦੇ ਕੌਂਸਲਰ ਅਰੁਣ ਸ਼ਰਮਾ ਨੂੰ ਦਿੱਤੀ, ਜਿਨ੍ਹਾਂ ਨੇ ਮੌਕੇ ਉਪਰ ਪਹੁੰਚ ਕੇ ਸਬੰਧਤ ਵਿਭਾਗ ਦੇ ਜੇ ਈ ਨੂੰ ਉੱਥੇ ਬੁਲਾਇਆ ਅਤੇ ਪਾਈਪ ਦੀ ਰਿਪੇਅਰ ਦਾ ਕੰਮ ਸ਼ੁਰੂ ਕਰਵਾਇਆ। ਇਹ ਪਾਈਪ ਹੋਰਨਾਂ ਥਾਵਾਂ ਉਪਰ ਵੀ ਮਿੱਟੀ ਵਿੱਚ ਦੱਬੀ ਹੋਈ ਹੈ। ਜਿਸ ਨੂੰ ਠੀਕ ਕਰਨ ਦਾ ਕੰਮ ਮਹਿਕਮੇ ਵੱਲੋਂ ਸ਼ੁਰੂ ਕਰ ਦਿੱਤਾ ਗਿਆ ਹੈ। ਇਸ ਮੌਕੇ ਕੌਂਸਲਰ ਅਰੁਣ ਸ਼ਰਮਾ ਨੇ ਕਿਹਾ ਕਿ ਜਿਸ ਥਾਂ ਉਪਰ ਇਹ ਪਾਈਪ ਦੱਬ ਕੇ ਫਟੀ ਹੈ, ਉਥੇ ਮਿੱਟੀ ਪੋਲੀ ਹੋ ਚੁੱਕੀ ਹੈ ਅਤੇ ਉਥੇ ਹੀ ਬਿਜਲੀ ਦਾ ਟਰਾਂਸਫਾਰਮਰ ਲੱਗਿਆ ਹੋਇਆ ਹੈ। ਮਿੱਟੀ ਪੋਲੀ ਹੋਣ ਕਾਰਨ ਇਹ ਟਰਾਂਸਫਾਰਮਰ ਵੀ ਕਦੇ ਵੀ ਡਿੱਗ ਸਕਦਾ ਹੈ। ਇਸ ਤੋਂ ਪਹਿਲਾਂ ਵੀ ਜ਼ਮੀਨ ਧਸਣ ਕਾਰਨ ਸੀਵਰੇਜ ਅਤੇ ਵਾਟਰ ਸਪਲਾਈ ਪਾਈਪਲਾਈਨਾਂ ਟੁੱਟ ਚੁੱਕੀਆਂ ਹਨ।
ਮੰਤਰੀ ਮੰਡਲ ਨੇ ਲਖੀਮਪੁਰ ਖੀਰੀ ਘਟਨਾ ਵਿਚ ਜਾਨਾਂ ਗੁਆ ਚੁੱਕੇ ਕਿਸਾਨਾਂ ਨੂੰ ਸ਼ਰਧਾਂਜਲੀ ਭੇਟ ਕਰਨ ਲਈ ਦੋ ਮਿੰਟ ਦਾ ਮੌਨ ਰੱਖਿਆ
ਬੀਤੇ ਪੰਜ ਮਹੀਨਿਆਂ ਵਿਚ ਵਾਪਰੀਆਂ ਸਿਆਸੀ ਘਟਨਾਵਾਂ ਨਾਲ ਦੁੱਖ ਪਹੁੰਚਿਆ-ਕੈਪਟਨ ਅਮਰਿੰਦਰ ਸਿੰਘ ਨੇ ਅਸਤੀਫਾ ਦੇਣ ਤੋਂ ਪਹਿਲਾਂ ਸੋਨੀਆ ਗਾਂਧੀ ਨੂੰ ਲਿਖਿਆ ਪੱਤਰ
