ਕੌਮਾਂਤਰੀ ਮਹਿਲਾ ਦਿਵਸ ’ਤੇ ਅੌਰਤਾਂ ਨੂੰ ਆਪਣੇ ਹੱਕਾਂ ਤੇ ਅਧਿਕਾਰਾਂ ਲਈ ਲੜਨ ਦਾ ਸੱਦਾ

ਕੌਮਾਂਤਰੀ ਮਹਿਲਾ ਦਿਵਸ ’ਤੇ ਅੌਰਤਾਂ ਨੂੰ ਆਪਣੇ ਹੱਕਾਂ ਤੇ ਅਧਿਕਾਰਾਂ ਲਈ ਲੜਨ ਦਾ ਸੱਦਾ

ਅੌਰਤਾਂ ਦੇ ਪੂਰਨ ਵਿਕਾਸ ਤੋਂ ਬਿਨਾਂ ਨਰੋਏ ਸਮਾਜ ਦੀ ਕਲਪਨਾ ਕਰਨਾ ਸੰਭਵ ਨਹੀਂ: ਉਪਿੰਦਰਪ੍ਰੀਤ ਕੌਰ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 9 ਮਾਰਚ:
ਅੌਰਤਾਂ ਨੂੰ ਆਪਣੇ ਹੱਕਾਂ ਲਈ ਲੜਨ ਦੇ ਨਾਲ ਨਾਲ ਮਾੜੇ ਸਮਾਜਿਕ ਪ੍ਰਬੰਧ ਤੇ ਵੀ ਪ੍ਰਸ਼ਨ ਚੁੱਕਣ ਦੀ ਜ਼ਰੂਰਤ ਹੈ ਜਿਸ ਕਾਰਨ ਅੌਰਤਾਂ ਨੂੰ ਹੁਣ ਤਕ ਦਬਾਅ ਵਿੱਚ ਰਹਿਣਾ ਪਿਆ। ਇਹ ਗੱਲ ਅੱਜ ਇੱਥੇ ਫੇਜ਼ 3 ਏ ਵਿੱਚ ਸਥਿਤ ਖਾਲਸਾ ਕਾਲਜ ਵਿੱਚ ‘ਗਰਲਜ਼ ਰਾਈਜ਼ ਫਾਰ ਮੁਹਾਲੀ’ ਵੱਲੋਂ ਅੱਜ ‘ਕੌਮਾਂਤਰੀ ਅੌਰਤ ਦਿਹਾੜੇ’ ਨੂੰ ਸਮਰਪਿਤ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਸੰਸਥਾ ਦੀ ਸੰਸਥਾਪਕ ਅਤੇ ਮਿਉੱਸਪਲ ਕੌਂਸਲਰ ਬੀਬੀ ਉਪਿੰਦਰਪ੍ਰੀਤ ਕੌਰ ਨੇ ਆਖੀ। ਉਹਨਾਂ ਕਿਹਾ ਕਿ ਕੋਈ ਵੀ ਸਮਾਜ ਅੌਰਤ ਬਿਨਾ ਖੁਦ ਨੂੰ ਸੰਭਾਲ ਨਹੀਂ ਸਕਦਾ। ਅੌਰਤ ਵਲੋੱ ਘਰ ਵਿੱਚ ਕੀਤੇ ਕੰਮ ਦੀ ਕਿਰਤ ਦੀ ਨਾ ਤਾਂ ਉਸਨੂੰ ੳਜਰਤ ਮਿਲਦੀ ਹੈ ਅਤੇ ਨਾ ਹੀ ਇਸ ਨੂੰ ਦੇਸ਼ ਦੀ ਆਰਥਿਕਤਾ ਦਾ ਹਿੱਸਾ ਮੰਨਿਆ ਜਾਂਦਾ ਹੈ। ਉਹਨਾਂ ਕਿਹਾ ਕਿ ਜੇਕਰ ਅੱਜ ਦੇ ਸਮੇੱ ਵਿੱਚ ਮਰਦ ਘਰ ਦੇ ਕੰਮ ਵਿੱਚ ਅੌਰਤ ਦੀ ਮਦਦ ਕਰਦਾ ਹੈ ਤਾਂ ਅੌਰਤ ਨੂੰ ਧੰਨਵਾਦ ਕਰਨਾ ਪੈਦਾ ਹੈ ਪਰੰਤੂ ਉਸ ਨੂੰ ਰੋਜ਼ਾਨਾ ਦੇੇ ਕੰਮ ਕਾਰ ਲਈ, ਘਰ ਚਲਾਉਣ ਲਈ ਕਦੇ ਧੰਨਵਾਦ ਨਹੀਂ ਮਿਲਦਾ।
ਇਸ ਮੌਕੇ ਬੋਲਦਿਆਂ ਵੱਖ ਵੱਖ ਬੁਲਾਰਿਆਂ ਨੇ ਕਿਹਾ ਕਿ ਅੌਰਤ ਹੀ ਸਮਾਜ ਦੀ ਜਨਮ ਦਾਤੀ ਹੈ ਅਤੇ ਸਮਾਜ ਨੇ ਹੀ ਅੌਰਤ ਨੂੰ ਅੌਰਤ ਵਿਰੁੱਧ ਹੋ ਰਹੇ ਧੱਕੇ ਵਿਰੁੱਧ ਖੜ੍ਹੇ ਹੋਣ ਲਈ ਮਜਬੂਰ ਕੀਤਾ ਹੈ। ਇਹ ਪ੍ਰੋਗਰਾਮ ਚਾਰ ਸੈਸ਼ਨਾਂ ਵਿੱਚ ਮੁਕੰਮਲ ਹੋਇਆ। ‘ਕਾਰਪੋਰੇਟ ਜਗਤ ਅਤੇ ਅੌਰਤ’ ਸੈਸ਼ਨ ਵਿੱਚ ਸ਼੍ਰੀਮਤੀ ਮਨਦੀਪ ਕੌਰ, ਜਨਰਲ ਮੈਨੇਜਰ, ਗ੍ਰਾਹਕ ਸੇਵਾ, ਵੋਡਾਫੋਨ ਨੇ ਕਿਹਾ ਕਿ ਬਰਾਬਰ ਕੰਮ, ਬਰਾਬਰ ਤਨਖਾਹ ਕੋਈ ਫਿਲਾਸਫੀ ਨਹੀੱ ਸਗੋੱ ਕਿਰਤ ਕਾਨੂੰਨਾਂ ਦੀ ਗੱਲ ਹੈ। ਉਹਨਾਂ ਕਿਹਾ ਕਿ ਕੰਪਨੀਆਂ ਵਿੱਚ ਅੌਰਤਾਂ ਨੂੰ ਮਰਦਾਂ ਨਾਲੋੱ ਘੱਟ ਤਨਖਾਹ ਦਿੱਤੀ ਜਾਂਦੀ ਹੈ। ਘਰ ਵਿੱਚ ਬੱਚਿਆਂ ਨੂੰ ਪਾਲਣ ਦੀ ਜਿੰਮੇਵਾਰੀ ਵੀ ਅੌਰਤਾਂ ਦੇ ਹਿੱਸੇ ਹੀ ਆਉੱਦੀ ਹੈ। ਤਨਖਾਹ ਦੇ ਮਸਲੇ ਵਿੱਚ ਯੂ ਐਸ ਏ ਵਿੱਚ ਵੀ ਅੌਰਤਾਂ ਨਾਲ ਧੱਕਾ ਹੁੰਦਾ ਹੈ। ਸ਼੍ਰੀਮਤੀ ਗਨੀਤ ਸੇਠੀ ਨੇ ਕਿਹਾ ਕਿ ਕਈ ਵਾਰ ਮੁੱਦਾ ਜੇੈਂਡਰ ਦਾ ਨਹੀੱ ਹੁੰਦਾ, ਸਗੋੱ ਸਿਸਟਮ ਦਾ ਹੁੰਦਾ ਹੈ। ਅੌਰਤਾਂ ਦੀ ਅਡਜਸਟ ਕਰਨ ਦੀ ਪ੍ਰਵਿਰਤੀ ਵੀ ਪਿੱਛੇ ਧੱਕਦੀ ਹੈ। ਕੰਮ ਕਾਰ ਦੀਆ ਥਾਂਵਾਂ ’ਤੇ ਸੈਕਸੁਅਲ ਹਰਾਸਮੈਂਟ ਦੀਆਂ ਘਟਨਾਵਾਂ ਵਧ ਰਹੀਆਂ ਹਨ ਹਾਲਾਂਕਿ ਕੰਪਨੀ ਵਿੱਚ ਪੰਜ ਤੋੱ ਵੱਧ ਅੌਰਤਾਂ ਜੇਕਰ ਕੰਮ ਕਰਦੀਆਂ ਹਨ ਤਾਂ ਕਾਨੂੰਨੀ ਤੌਰ ਤੇ ਕੰਪਨੀ ਵਿੱਚ ਸੈਕਸੂਅਲ ਹਰਾਸਮੈਂਟ ਕਮੇਟੀ ਹੋਣੀ ਚਾਹੀਦੀ ਹੈ ਪਰੰਤੂ ਜ਼ਿਆਦਾਤਰ ਕੰਪਨੀਆਂ ਵਿੱਚ ਨਹੀੱ ਹਨ।
ਸੈਸ਼ਨ ਦੌਰਾਨ ਬੀਬੀ ਗੁਰਪ੍ਰੀਤ ਕੇ. ਭਾਟੀਆ, ਤਾਲਮੇਲ ਅਫਸਰ, ਇੰਟਰਨੈਸ਼ਨਲ ਯੂਨੀਅਨ ਅਗੇੱਸਟ ਟਿਊਬਰਕੁਲੋਸਿਸ ਐੱਡ ਲੰਗ ਡਿਸੀਜ ਨੇ ਕਿਹਾ ਕਿ ਵਿਆਹ ਤੋੱ ਬਾਅਦ ਦੀਆਂ ਸਥਿਤੀਆਂ ਵੀ ਕੁੜੀਆਂ ਨੂੰ ਨੌਕਰੀਆਂ ਛੱਡਣੀਆਂ ਪੈਂਦੀਆਂ ਹਨ ਅਤੇ ਬੱਚੇ ਪਾਲਣੇ ਪੈਂਦੇ ਹਨ। ਅੌਰਤਾਂ ਨੂੰ ਬੋਲਣਾ, ਕਿਤਾਬਾਂ ਪੜਨਾਂ, ਹੋਰ ਅਧਿਐਨ ਕਰਨਾ ਚਾਹੀਦਾ ਹੈ। ਉਹਨਾਂ ਕਿਹਾ ਕਿ ਕੰਪਨੀਆਂ ਵਿੱਚ ਬੱਚਿਆਂ ਲਈ ਥਾਂ, ਬ੍ਰੈਸਟਫੀਡਿੰਗ ਲਈ ਥਾਂ ਆਦਿ ਹੋਣੀ ਚਾਹੀਦੀ ਹੈ ਤਾਂ ਕਿ ਅੌਰਤਾਂ ਨੂੰ ਨੌਕਰੀਆਂ ਨਾ ਛੱਡਣੀਆਂ ਪੈਣ।
‘ਸਵਿਧਾਨ ਅਤੇ ਅੌਰਤ’ ਸੈਸ਼ਨ ਦੌਰਾਨ ਪੁੱਜੇ ਡਾ. ਅਨਮੋਲ ਰਤਨ ਸਿੱਧੂ, ਸਹਾਇਕ ਸੁਲਿਸਟਰ ਜਨਰਲ ਆਫ ਇੰਡੀਆ ਨੇ ਕਿਹਾ ਕਿ ਭਾਰਤ ਦਾ ਸਵਿਧਾਨ ਬਣਨ ਤੋੱ ਪਹਿਲਾਂ ਹੋਈਆਂ ਆਜ਼ਾਦੀ ਦੀਆਂ ਲੜਾਈਆਂ ਵਿੱਚ ਵੀ ਅੌਰਤਾਂ ਦਾ ਹਿੱਸਾ ਲਿਆ ਅਤੇ ਉਹਨਾਂ ਦਾ ਵੱਡਾ ਯੋਗਦਾਨ ਰਿਹਾ। ਇਸ ਦੌਰਾਨ ਡਾ. ਮੀਰਾ ਬੀ ਆਗ੍ਹੀ, ਮਨੁੱਖੀ ਸੁਭਾਅ ਵਿਗਿਆਨੀ ਅਤੇ ਯੂਐਨ ਕੰਸਲਟੈਂਟ, ਸਿਹਤ ਅਤੇ ਵਿਕਾਸ ਨੇ ਵੀ ਸੰਬੋਧਨ ਕੀਤਾ।
ਅੌਰਤ ਅਤੇ ਸਿਆਸਤ ਸੈਸ਼ਨ ਦੌਰਾਨ ਕਾਂਗਰਸ ਬੁੱਧੀਜੀਵੀ ਸੈਲ਼ਲ ਦੇ ਚੇਅਰਮੈਨ ਡਾ. ਗੁਰਪ੍ਰੀਤ ਸੰਧੂ ਨੇ ਕਿਹਾ ਕਿ ਅੌਰਤ ਵਿੱਚ ਸਵੈਵਿਸ਼ਵਾਸ ਹੋਣਾ ਚਾਹੀਦਾ ਹੈ ਅਤੇ ਵਧੀਕੀਆਂ ਵਿਰੁੱਧ ਬੋਲਣ ਦੀ ਆਦਤ ਪਾਉਣੀ ਚਾਹੀਦੀ ਹੈ। ਉਹਨਾਂ ਕਿਹਾ ਕਿ ਅੌਰਤਾਂ ਜੇਕਰ ਇੱਕ ਦਿਨ ਲਈ ਵੀ ਬੱਚੇ ਨਾਲ ਨਾ ਪੈਦਾ ਕਰਨ ਦਾ ਐਲਾਨ ਕਰ ਦੇਣ, ਉਸੇ ਦਿਨ ਸਮਾਜ ਨੂੰ ਉਸ ਦੀ ਅਹਿਮੀਅਤ ਪਤਾ ਲੱਗ ਜਾਵੇਗੀ। ਚੰਡੀਗੜ੍ਹ ਦੀ ਸਾਬਕਾ ਮੇਅਰ ਬੀਬੀ ਹਰਜਿੰਦਰ ਕੌਰ ਨੇ ਇਸੇ ਸੈਸ਼ਨ ਦੌਰਾਨ ਸੰਬੋਧਨ ਕਰਦਿਆਂ ਕਿਹਾ ਕਿ ਉਹਨਾਂ ਦੀ ਹੁਣ ਤੱਕ ਜੋ ਵੀ ਪ੍ਰਾਪਤੀ ਹੈ, ਉਹ ਕਿਸੇ ਪਾਰਟੀ ਕਰਕੇ ਨਹੀਂ ਸਗੋਂ ਉਸ ਦੇ ਅੌਰਤ ਹੋਣ ਕਰਕੇ ਹੈ। ਇਸ ਸੈਸ਼ਨ ਵਿੱਚ ਨੌਜਵਾਨ ਆਗੂ ਨਿਰਜੋਗ ਸਿੰਘ ਮਾਨ, ਪ੍ਰਧਾਨ, ਪੁਸੂ ਨੇ ਵੀ ਭਾਗ ਲਿਆ। ਇਸ ਪ੍ਰੋਗਰਾਮ ਦੇ ਚੌਥੇ ਸੈਸ਼ਨ ਵਿੱਚ ਪ੍ਰਸਿੱਧ ਥੀਏਟਰ ਅਤੇ ਫਿਲਮ ਕਲਾਕਾਰ ਅਨੀਤਾ ਸ਼ਬਦੀਸ਼ ਨੇ ਵੀ ਭਾਗ ਲਿਆ।