ਰਿਆਤ ਬਾਹਰਾ ਯੂਨੀਵਰਸਿਟੀ ਵਿੱਚ ‘ਜਿਓਮੈਟਰੀਕਲ ਇੰਟਰਪ੍ਰੀਟੇਸ਼ਨ ਆਫ਼ ਮੈਥੇਮੈਟਿਕਲ ਕੰਨਸੈਪਟ’ ’ਤੇ ਵਰਕਸ਼ਾਪ

ਰਿਆਤ ਬਾਹਰਾ ਯੂਨੀਵਰਸਿਟੀ ਵਿੱਚ ‘ਜਿਓਮੈਟਰੀਕਲ ਇੰਟਰਪ੍ਰੀਟੇਸ਼ਨ ਆਫ਼ ਮੈਥੇਮੈਟਿਕਲ ਕੰਨਸੈਪਟ’ ’ਤੇ ਵਰਕਸ਼ਾਪ

ਵਰਕਸ਼ਾਪ ਵਿੱਚ 30 ਤੋਂ ਵੱਧ ਕਾਲਜਾਂ ਅਤੇ ਯੂਨੀਵਰਸਿਟੀਆਂ ਦੇ ਅਧਿਆਪਕ ਪੁੱਜੇ, ਗਣਿਤ ਸਿਖਾਉਣ ਲਈ ਦਿੱਤੀ ਵਿਸ਼ੇਸ਼ ਸਿਖਲਾਈ

ਨਬਜ਼-ਏ-ਪੰਜਾਬ ਬਿਊਰੋ, ਮੁਹਾਲੀ, 5 ਜੁਲਾਈ:
ਰਿਆਤ ਬਾਹਰਾ ਯੂਨੀਵਰਸਿਟੀ ਵਿੱਚ ‘ਜਿਓਮੈਟਰੀਕਲ ਇੰਟਰਪ੍ਰੀਟੇਸ਼ਨ ਆਫ਼ ਮੈਥੇਮੈਟਿਕਲ ਕੰਨਸੈਪਟ’ ਵਿਸ਼ੇ ’ਤੇ ਇੱਕ ਰੋਜ਼ਾ ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ। ਜਿਸ ਵਿੱਚ ਕਾਲਜ ਅਤੇ ਯੂਨੀਵਰਸਿਟੀ ਫੈਕਲਟੀ ਨੂੰ ਪੋਸਟ-ਗ੍ਰੈਜੂਏਟ ਅਤੇ ਅੰਡਰ-ਗ੍ਰੈਜੂਏਟ ਪੱਧਰ ’ਤੇ ਜਿਓਮੈਟਰੀਕਲ ਵਿਆਖਿਆ ਦੇ ਨਾਲ ਗਣਿਤ ਸਿਖਾਉਣ ਲਈ ਸਿਖਲਾਈ ਦਿੱਤੀ ਗਈ। ਦਾਸ ਸਾਇੰਟੀਫਿਕ ਰਿਸਰਚ ਲੈਬਾਰਟਰੀਜ਼ ਪ੍ਰਾਈਵੇਟ ਲਿਮਟਿਡ ਦੇ ਸਹਿਯੋਗ ਨਾਲ ਆਯੋਜਿਤ ਇਸ ਵਰਕਸ਼ਾਪ ਵਿੱਚ 30 ਤੋਂ ਵੱਧ ਕਾਲਜ ਅਤੇ ਯੂਨੀਵਰਸਿਟੀ ਦੇ ਅਧਿਆਪਕਾਂ ਨੇ ਹਿੱਸਾ ਲਿਆ।
ਇਸ ਮੌਕੇ ਬੋਲਦਿਆਂ ਰਿਆਤ ਬਾਹਰਾ ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾ. ਦਲਜੀਤ ਸਿੰਘ ਨੇ ਕਿਹਾ ਕਿ ਨਵੀਂ ਪੀੜ੍ਹੀ ਦੇ ਵਿਦਿਆਰਥੀਆਂ ਨੂੰ ਇਸ ਉੱਚ ਤਕਨੀਕੀ ਸੰਸਾਰ ਵਿੱਚ ਪੜ੍ਹਾਉਣ ਦੇ ਨਾਲ ਨਾਲ ਸਿੱਖਣ ਦੀ ਵੀ ਇੱਕ ਮਜ਼ਬੂਤ ​​ਲੋੜ ਹੈ, ਸਿੱਖਣ ਦੀ ਪ੍ਰਕਿਰਿਆ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਦੋਵਾਂ ਲਈ ਆਪਸੀ ਸਿੱਖਿਆ ਹੈ। ਉਨ੍ਹਾਂ ਮਹਿਸੂਸ ਕੀਤਾ ਕਿ ਵਿਦਿਆਰਥੀਆਂ ਨੂੰ ਅਡਵਾਂਸ ਮੈਥੇਮੈਟਿਕਲ ਕੰਨਸੈਪਟ ਸਿਖਾਉਣਾ ਸਦੀਆਂ ਲਈ ਇਕ ਚੁਣੌਤੀ ਬਣਿਆ ਰਿਹਾ ਹੈ ਅਤੇ 21ਵੀਂ ਸਦੀ ਵਿਚ ਤਕਨਾਲੋਜੀ ਦੀ ਤੇਜ਼ੀ ਅਤੇ ਤਰੱਕੀ ਦੇ ਕਾਰਨ ਇਹ ਹੋਰ ਵੀ ਚੁਣੌਤੀ ਭਰਪੂਰ ਹੋ ਗਿਆ ਹੈ।
ਦਾਸ ਸਾਇੰਟੀਫਿਕ ਰਿਸਰਚ ਲੈਬਾਰਟਰੀਜ਼ ਪ੍ਰਾਈਵੇਟ ਲਿਮਟਿਡ ਦੇ ਚੇਅਰਮੈਨ ਪ੍ਰੋ. ਚੰਨਚਲ ਦਾਸ ਨੇ ਸਵੈ ਸਿੱਖਿਆ, ਅੰਦਰੂਨੀ ਸਿੱਖਿਆ ਅਤੇ ਵਿਵਹਾਰਿਕ ਸਿੱਖਿਆ ’ਤੇ ਜ਼ੋਰ ਦਿੱਤਾ। ਉਨ੍ਹਾਂ ਲੈਬ ਵਿਚ ਵਿਦਿਆਰਥੀਆਂ ਦੁਆਰਾ ਥਰੈਟੀਕਲ ਕੰਨਸੈਪਟ ‘ਤੇ ਕੰਮ ਕਰਨ ਦੇ ਬਾਅਦ ਵਿਸ਼ੇ ਦੀ ਵਿਹਾਰਕ ਸਮਝ ਤੇ ਵੱਖ-ਵੱਖ ਉਦਾਹਰਨਾਂ ਸਾਂਝੀਆਂ ਕੀਤੀਆਂ। ਆਪਣੇ ਭਾਸ਼ਣ ਦੇ ਦੌਰਾਨ, ਉਨ੍ਹਾਂ ਕਿਸੇ ਵੀ ਗਣਿਤਕ ਕੰਨਸੈਪਟ ਨੂੰ ਇੱਕ ਜਿਓਮੈਟਰੀਕਲ ਆਕਾਰ ਵਿੱਚ ਪਰਿਵਰਤਿਤ ਕਰਨ ਲਈ ਕੁਝ ਬਹੁਤ ਸਧਾਰਨ ਪਰ ਬਹੁਤ ਪ੍ਰਭਾਵੀ ਅੌਜ਼ਾਰ ਪੇਸ਼ ਕੀਤੇ। ਇਹ ਮੈਥੇਮੈਟਿਕਲ ਕੰਨਸੈਪਟ ਮਾਡਲਿੰਗ, ਵਿਜ਼ੁਅਲਾਇਜੇਸ਼ਨ ਅਤੇ ਐਨੀਮੇਸ਼ਨ ਵਿੱਚ ਮਦਦ ਕਰਦੇ ਹਨ। ਇਹ ਪ੍ਰੋਗਰਾਮ ਮੁੱਖ ਰੂਪ ਵਿੱਚ ਗਣਿਤ ਦੇ ਅਧਿਆਪਕਾਂ ਨੂੰ ਇੱਕ ਪਲੇਟਫਾਰਮ ’ਤੇ ਲਿਆਉਣ ਅਤੇ ਗਣਿਤ ਵਿੱਚ ਪ੍ਰਭਾਵਸ਼ਾਲੀ ਸਿੱਖਣ ਦੀ ਪ੍ਰਣਾਲੀ ਲਈ ਲੋੜੀਂਦੀ ਸਿਖਲਾਈ ਦੀਆਂ ਰਣਨੀਤੀਆਂ ਬਾਰੇ ਜਾਣਕਾਰੀ ਸਾਂਝੀ ਕਰਨ ਲਈ ਉਲੀਕਿਆ ਗਿਆ ਸੀ।